Muzeu i Ujit, i njohur ndryshe si "Gjiri i Kockave", është një kompleks arkeologjik i vendosur në vendin e gërmimit të “Ploca Mikov Grad”, afër Gradishtës dhe Pestanit përgjatë bregut të Ohrit.
Hulumtimet nënujore të kryera në Gjirin e Kockave japin material dhe informacione për jetën e njerëzve parahistorikë që kanë jetuar në këto zona, rreth liqenit të Ohrit. Zhytësit gjetën 6.000 grumbuj druri në fund të liqenit, së bashku me shumë objekte të tjera dhe eshtra. Kjo është arsyeja pse emri i këtij muzeu mbi ujë është - Gjiri i Kockave. Një tjetër fakt interesant është se zhytësit gjetën eshtra vetëm nga kafshët, ata nuk gjetën asnjë kockë njeriu. Një shpjegim për këtë është se në atë kohë u dogjën trupa njerëzish. Të gjitha materialet që gjetën zhytësit, datojnë në epokën e bronzit të vonë dhe të hekurit të hershëm nga viti 1200 p.e.s. deri në vitin 700 p.e.s.
Në atë kohë vendbanimi ishte tre herë më i madh se kopja e vendbanimit që mund të vizitohet sot. Muzeu është ndërtuar në vitin 2008 dhe më vonë në platformën mbi liqen u ndërtuan 8 kopje të shtëpive parahistorike. Platforma lidhet me tokën me një urë druri. Në kohën e parahistorisë ka pasur edhe një urë, por atëherë ura ka qenë e lëvizshme. Me këtë urë të lëvizshme, njerëzit parahistorikë mund të mbroheshin nga rreziqet që vinin nga toka. Sapo përfundoi ndërtimi i këtij muzeu, ai u bë një nga vendet më të vizituara në Maqedoni, ndaj qeveria vendosi ta zgjerojë muzeun. Në vitin 2010, vendbanimi mbi ujë u zgjerua dhe u ndërtuan 16 shtëpi të tjera prehistorike.
